#فكرة_نوعية

شرح ممل لقصة #فكرة_نوعية

انا هشرح لحضرتكم بالتفصيل الملل وبالعامية :-

هعرفكو بنفسي انا أدمن A .. وعملت الموقع ده او الـ Blog Site علشان يربط ويجمع كل الي في معهد نوعية في مكان واحد .. ودا علشان الي عنده فيس والي معندوش يعرف يخش ويتواصل معانا .. طيب ده ايه فايدته يعني وهنخش عليه ليه ؟!

هجاوبك انا :-

● أول حاجه انا هنزل فيه أهم اخر الاخبار في المعهد بالتفصيل وكل المناهج والملازم المطلوبة للمعهد ..

● ومكتبة الصقر هتنشر هنا الملازم بتاعتها + حقوق ملكيتها 

.............

ايه ياعم الكلام الكبير ده طيب وانا مالي انا ومال الكلام ده انا هروح اجيب الملازم من المكتبة وهحضر في المعهد عادي !

تمام جدا احنا هنزل الحاجات دي للناس الي محتاجاها + ان الـ Site ده ملوش اي علاقة بادارة المعهد

ده مجموعه من الطلاب عملاها .. وده مش هيمنع ان كله يشارك رأيوه فيه ومشاكلو 

+ انك هتشاركها علي الفيس بشكل افضل واحسن ومفصل 

● ممكن تنشر بوست صورة او بوست كلام او قصيده او اغنية وتشيرها عن طريق الموقع علي الفيس بوك 

طيب وانا ايه الي هيخلني انشر عن طريقك مانا انشر من الفيس علي طول اسهل !

تمااام جدا بس هنا في حاجه :-

● أول حاجه ان الي انت هتنشره مش الفيس بس هو الي هيشوفو 

● ان البوست الي هتنزلو مع الهاش تاج ( # ) بأسمك .. اي حد هينشره علي الفيس او اي موقع من مواقع التواصل الاجتماعي هينزل باسمك

______

نيجي لموضوع #فكرة_نوعية :-

● دي هاش تاج للموقع 

● اذا محبتش انك تشارك معانا .. ممكن تدمعنا بس بأنك تنشر الهاش تاج دي عندك علي الاكونت علشان توصلها لغيرك

● وياريت متقولش هتقف عليا ... علشان هي فعلا هتقف

باختصار جداا .. الموقع هيفدكم جدا .. ولو عجبك الشرح _ متنساش تسيب كومنت تحت لدعمنا

أدمن A

#فكرة_نوعية